Ehr liewe Leit un Kerwegäschd..

Nää, Spass.. war nur en Teschd.

Schun widder hemmer denn Halledaalpokal gewunne,

vielleicht dürf mern behalde, beim nägschde mol do unne.

Im Neunmeterschieße hot de Dax e paar gstoche,

die Iggelbacher hemmer schun widder um de Pokal betrooche.

Ufm Platz is mer dann ach gut ins Johr kumme,

un hott trotz Probleme de Relegationsplatz errunge.

Beim Marv ufm Gebordsdaach, beim DFB-Pokalfinale,

hot mer vun de üwerraschende Chance uf de Ufstieg erfahre.

Gelangt hots dann net un der Traum war beend,

dodezu macht de Captain anoch Karriereend!

Hunnerde Fans warn im letschde Spiel debei,

henn uns subber unnerstützt, awer die Chance war vorbei.

Dritter simmer dann worre beim Daalpokal,

des war awer mehr e Matschschlacht als Fußball.

In de neie Saison gabs e neies Spielsystem,

ach mit Spieler aus de Juchend, doch de fehlende Bosse, war e Problem.

In letschder Sekunn hemmer in Weidedaal gewunne,

henn en Gegner ohne gegnerische Zuschauer bezwunge,

zum erschde mol seit ichs wäß e Spiel ohne Dor,

manch enner hott sei Superkräft ausm Hoorspray, des is jo wohl net wohr.

So gings in de Tabell mol nunner un mol nuff,

mer schießt wennicher Dore un recht sich mehr uff,

tret bei me FIFA-Turnier sei Controller in Schutt,

macht sich durch Chanceverwerdung viel Spiele kabudd.

Unner Zwäiezwanzich is de Aldersschnitt,

do nemmt mer ach mol schlechtere Zeide mit,

vor allem wenn de Gegner nur do rummfallt un schreit,

hot e so jungi Mannschaft e schwierichi Zeit.

Manch Stürmer is dann ach mol de Gegner zu groß,

do fallt im Gänge nix mehr ei, des trääääm ich jo bloß!

Do muss dann ach mol de Stahl e Dor besorge,

do sacht de Bosse nur „oh nää“ un macht sich sei Sorge.

Doch des wars jetzt ach vun mir, un mir bleibt nur zu saache,

ich wünsch eich schäne Weihnachdsdaache,

En abschließende Satz hawich dann awer noch:

De ASV, er lebe, Hoch, hoch, hoch

 

Mit Dank an Madeleine Wolf für den erstklassigen Vortrag auf der Weihnachtsfeier